Núverandi meðlimir alþjóðlega Vináttuhlaupsliðsins:

Mark Collinson (Englandi), Ondrej Vesely (Tékklandi), Pierre Lantuas Monfouga (Frakklandi), Suren Leósson (Íslandi).

Eftir að hafa slakað á í tvær vikur vorum við glaðir að byrja að hlaupa á ný þó hið alþjóðlega Vináttuhlaupslið væri frekar fámennt. Hinsvegar munu þrír hlauparar í viðbót slást í hópinn í kvöld. Við erum staddir á einni stórbrotnustu eyju veraldar; eyju eldfjalla og heitra lauga - Íslandi.

Á meðan flugvélin var í aðflugi gafst okkur tækifæri til að virða fyrir okkur berangurslegt landslagið í kringum flugvöllinn og fjöll með snjó á toppnum við sjóndeildarhringinn. Gangane tók á móti okkur í björtu en frekar köldu veðri. Okkur hefur verið tjáð að veðrið sé afar breytilegt á Íslandi og að maður geti gengið í gegnum rigningu, snjó og sólskin allt á sama deginum. Þrátt fyrir flugþreytuna vorum við ákafir í að hitta íslensk börn í þeim fjórum skólum sem við ætluðum að heimsækja í dag.

Eftir snöggan morgunverð og enn sneggri sturtu heimsóttum við Árbæjarskóla. Ríkissjónvarpið tók myndir af hlaupinu okkar inn í skólann, en þar hittum við börn sem voru einstaklega meðvituð um hugsjónir vináttu, sáttar og samlyndis. Síðan komu krakkarnir út með okkur og hlupu með kyndilinn af mikilli gleði. Að lokum báðu þau okkur um eiginhandaráritanir.

Ártúnsskóli var næstur á dagskrá, en þar vildi ekki betur til en að logandi kyndillinn setti brunavarnarkerfi skólans í gang. Krakkarnir komu þá bara út itl að hitta okkur, enda brosti sólin sínu blíðasta. Við höfum tekið eftir því að börn á Íslandi hafa einstaklega góða athygli og eru vel upp alin. Þau eru jafnframt fróðleiksfús og óhrædd við að spyrja spurninga. Ein stúlka spurði okkur hvort það væri ekki góð hugmynd ef við ferðuðumst með Vináttuhlaupskyndilinn til landa sem væru í stríði til að reyna að tala þau inn á að hætta að berjast. Börnin hér á Íslandi hafa einstaklega mikla innsýn inn í málin. Við skildum við brosmild börn í Ártúnsskóla eftir að hafa hlaupið með þeim á skólalóðinni.

Fellaskóli var þriðji skóli dagsins og þar biðu krakkarnir eftir okkur á skólalóðinni.

Börnin veifuðu og kölluðu til okkar og þegar komum til þeirra byrjuðu þau að spyrja okkur hvers vegna við værum að hlaupa með kyndil. Eftir að allt hafði verið útskýsrt hlupu þau með kyndilinn á skólalóðinni og létu hann ganga manna á milli.

Að lokum mynduðu krakkarnir keðju og létu kyndilinn ganga á milli sín jafnframt því að senda óskir og drauma um meiri sátt og samlyndi í framtíðinni inn í kyndilinn, svo að við gætum borið þessar óskar þeirra áfram til næstu áfangastaða.

Síðasti skóli dagsins var Selásskóli og þar biðu börnin spennt eftir okkur. Eftir að söngur okkar á Vináttuhlaupslaginu hafði uppskorið mikið klapp hlupum við öll saman að skóginum við Rauðavatn.

Þar sem ekki er mikið um tré á Íslandi má telja mjög sérstakt að hafa fengið að heimsækja skóg. Selásskóli hafði áður fengið að gjöf dálítinn lund í skóginum til að nota undir kennslu og annað. Lund þennan nefna þau "Vinalund".

Það var því mjög við hæfi að við skyldum heimsækja þennan tiltekna lund með Vináttukyndilinn.

Við áttum gott og langt spjall við krakkana um upplifanir okkar í Vináttuhlaupinu og á móti lærðum við eitt og annað um Ísland.

Eftir að hafa ferið eins og stormsveipur um fjóra skóla á fyrsta degi okkar á Íslandi vorum við því afar fegnir að hafa eftirmiðdaginn frjálsan. Við Ondrej lögðumst til svefns, en á meðan kom Pierre frá Frakklandi til landsins.

Gangane bauð upp á bragðgott pasta í afar stórri skál.

Að kvöldmáltíð lokinni fórum við í göngutúr í miðbænum og við höfnina. Þar rákumst við meðal annars á víkingaskipið sem nefnt er "Sólarfley".

Í kulinu um kvöldið urðum við vitni að fallegu sólarlagi.

Á meðan sólin hneig til viðar var birtan sífellt að breytast og afhjúpa stórbrotna bleika liti í háum skýjunum.

Mark Collinson

---

Harmonemail:
You can send a message to the runners or read the messages.

< Norway 29 June

Iceland 13 July > Germany 7 July >

Norway 30 June