Við hófum hlaupið snemma að venju þennan dag og lögðum af stað frá Djúpavogi. Það var kvenfólkið í hópnum sem hóf daginn, og voru strákarnir fegnir því að fá að hvílast svolítið lengur. Við fengum þó smá hjálp frá sauðfénu á svæðinu, sem hljóp með okkur þónokkurn spöl.

Þegar við nálguðumst Breiðdalsvík þá hittum við krakkana frá Ungmennafélaginu Hrafnkeli Freysgoða og var mikill kraftur í þeim þrátt fyrir rok og rigningu. Þau hlupu að minnsta kosti 10km þrátt fyrir ungan aldur og fóru létt með. Þeim tókst meira að segja að fá Andrés og Davíð til að hlaupa með sér, þvílíkur var krafturinn í þeim.

Þessir fræknu hlauparar heita:

Berglind Rós Jónasdóttir ásamt systur sinni henni Lilju Björk, Rannveig Steinberg Róbertsdóttir, Iða Hrund Hauksdóttir, Ísar Svan Gautarsson, Eyþór Ingólfsson, Hrefna Ingólfsdóttir Melsteð og að lokum ung stúlka sem kallaði sig Silvía sætu.

Þarna hittum við einnig fyrir Veraldavini sem voru æst í að hlaupa með vináttukyndilinn. Þetta voru þau André Goedhart frá Hollandi, Orid Rosello frá Barcelona, Núría Gabernet einnig frá Barcelona, Ida Erling frá Finnlandi, Jade Watkins frá Wales, Mirza jajo frá Svíþjóð/Bosnía og Jake Maxwell frá Bretlandi.

Þvínæst var komið að krökkunum frá Stöðvarfirði í Ungmennafélaginu Súlunni sem hlupu frá botni Stöðvarfjarðar sem var rúmlega hálftíma hlaup. Þau voru svaka hress og gleðin skein úr andlitum þeirra þegar þau höfðu lokið hlaupinu. Þetta voru aðallega strákar enda lítið af stelpum í bænum.

Þeir félagarnir Guðmundur Hreinsson og Kristinn Örn Magnússon slógu ekki slöku við í hlaupinu enda kappkostuðu þeir við að komast sem fyrst í bæinn eins og hinir hlaupararnir. En þeir voru Jórunn Dagbjört Jónsdóttir, Sólmundur Aron Björgólfsson og Lorenz Elvar Sighvatsson í fylgd með Jóhönnu Halldórsdóttur.

---

Distance: 81km

Harmonemail:
You can send a message to the runners or read the messages.

< Iceland 18 July < Czech Republic 18 July < Ísland 18. júlí

Iceland 20 July > Czech Republic 20 July > Ísland 20. júlí >

Iceland 19 July Czech Republic 19 July