Kæru Vináttuhlauparar og aðrir vinir.

Það er búið að vera einstaklega gaman fyrir mig að fá að koma til Íslands, sérstaklega til að fá að hlaupa í kringum landið.

Það verður erfitt að fara heim í streituna og óróann.

Á Íslandi er allt svo kyrrt og rótt, en samt er hér alltaf einhver hreyfing. Náttúran er fögur og friðsæl en samt er heilmikið að gerast í henni; fuglarnir syngja og meira að segja hvassviðrið er dæmi um orkuna sem býr í þessari rólegu náttúru.

Það sama gildir um fólkið. Íslendingar eru rólegir en samt eru þeir alltaf að gera eitthvað. Þeir eru alltaf tilbúnir að prófa eitthvað nýtt og búa til eitthvað nýtt. Og krakkarnir sem hafa hlaupið með okkur eru svo dugleg!

Mest af öllu eru Íslendingar alltaf vingjarnlegir og hjartahlýir. Það er við hæfi að nefna World Harmony hlaupið Vináttuhlaupið á íslensku, því Íslendingar vita hvað vinátta þýðir.

Þessir 10 dagar mínir í World Harmony Vináttuhlaupinu hafa verið draumi líkastir og mér líður eins og ég hafi verið hér í mánuð. En að sama skapi er erfitt að kveðja hlaupið nú. Ég vona bara að ég geti komið aftur að ári!

---

Harmonemail:
You can send a message to the runners or read the messages.

< Iceland 10 July < Ukraine 10 July < 10. júlí

Iceland 12 July > Ukraine 12 July >

Iceland 11 July Iceland 11 July 11. júlí Ukraine 11 July