Möðrudalsöræfi tóku við í dag með allri sinni náttúrufegurð. Segja má að hlaup á öræfum sé hin hliðin á peningnum af hverju skemmtilegt er að hlaupa í World Harmony Vináttuhlaupinu.

Eins og Ganagane bendir á í hugleiðingu sinni, er auðvelt að sjá tilgang í því að rétta Vináttukyndilinn, með öllum þeim innblæstri og allri þeirri merkingu sem honum fylgir, til þeirra sem hafa sýnt þann áhuga að taka þátt og leggja sitt af mörkum til alþjóðlegrar vináttu og bræðralags.

Hlaup á öræfum er nokkurs annars eðlis, eins og gefur að skilja. Hér eru það ekki þindarlaus börn og ungmenni sem slást í för, heldur fylgjast hinir öldnu vitringar, Herðubreið og Katla, með þaðan sem þær sitja og taka þátt með nærveru sinni einni saman. Það skyldi enginn gera lítið úr þeirri þátttöku!

Með einskærri nærveru sinni veita fjöllin og firðirnir, árnar og fossarnir - í raun náttúran öll - okkur hlaupurunum eitthvað af þeirri óendanlegu kyrrð, óendanlegri fegurð og óendanlegum hreinleika sem í þeim býr.

Fyrir okkur, Vináttuhlauparana, sem leitum eftir innblæstri hvar sem hann má finna, er ómögulegt annað en að verða snortin af þessum staðföstu hlaupafélögum. Á þetta hefur Frank de Lange þegar bent og sannast þá hið fornkveðna að "glöggt er gests augað".

Eftir öræfin lá leið okkar fram hjá nýju náttúruböðunum við Mývatn og var kærkomið að fá að hvíla lúin bein þar síðar um daginn. Gist var í grunnskólanum í Reykjarhlíð, eftir erfiðan en gefandi dag.

Harmonemail:
You can send a message to the runners or read the messages.