Sólin skein skært á himni í dag, en segja má að hún hafi jafnvel skinið skærar í þátttakendunum, en þeir voru bæði fjörugir, kátir og...margir!

Fyrsti hlaupahópurinn var Ungmennafélagið Æskan, sem fylgdi okkur úr hlaði frá torginu á Akureyri og alla leið að Dalvíkurafleggjara. Fyrir Æskuna hlupu: Halldóra Sigríður Halldórsdóttir, Halldór Arinbjarnarson, Ragna Erlingsdóttir, Sigríður Helgadóttir og Davíð.

Á Dalvíkurafleggjara tóku Svarfdælingar við, nánar tiltekið þrír hópar af hlaupurum. Því miður vildi svo illa til að nöfn tveggja fyrstu hópanna glötuðust. [Ef þið ágætu hlaupagarpar lesið þetta, þá þætti mér vænt um ef þið gætuð komið upplýsingum um þátttakendur á framfæri til mín í iceland [ at ] worldharmonyrun [dot] org (vefstjóri)]. Okkur tókst hinsvegar að mynda hópana, svona að mestu leyti, enda var unun að fylgjast með gleðinni og kraftinum í þessum hlaupagörpum.

Hópur 1 hljóp að Kálfsskinni

Nú erum við komin með nafn á "hóp 2", en þetta var að sjálfsögðu Ungmennafélagið Reynir Árskógsströnd og þar hlupu: Tinna Karen Arnardóttir, Eva Hrönn Arnardóttir, Trausti Ómar Arnarson, Bertha Þorbjörg Steinarsdóttir, Aldís Benjamínsdóttir, Valgerður Júlíusdóttir, Karen Perla Konráðsdóttir, Martha Kristjánsdóttir, Elvar Óli Marínósson, Signý Jónasdóttir, Þórður Elí Bergþórsson, Birgitta Pálmeyjardóttir og Margrét Jóna Kristmundsóttir.

Þriðji hópur Svarfdælinga hljóp svo alla leið að göngunum yfir í Ólafsfjörð og létu hlauparar það ekki á sig fá þó leiðin væri upp í mót og erfið yfirferðar, heldur hlupu jafnan mörg saman og höfðu gaman af.

Ekki skemmdi hvað þetta var fallegur dagur og fékk hin ósnortna íslenska náttúra að njóta sín, öllum til augnayndis. Fyrir þriðja hóp Svarfdælinga hlupu: Rebekka Rún Sævarsdóttir, Súsanna Svansdóttir, Mjöll Sigurdís Magnúsdóttir, Heiða Hringsdóttir, Hólmfríður Brynja Heimisdóttir, Ingvi Örn Friðriksson, Þórdís Rögnvaldsdóttir, Stefanía Aradóttir, Ellen Ýr Gunnlaugsdóttir, Kristín Valsdóttir, Una Pálmadóttir, Þorbjörg Una Þorsteinsdóttir, Hallgrímur Anton Þorsteinsson, Guðmundur Már Guðmundsson, Ari Jóhann Júlíusson, Einar Már Harðarson, Darri Sigurvin Magnússon, Ómar Freyr Sævarsson, Ingibjörg María Ingvadóttir, Helga Guðmundsdóttir og Hólmfríður Sigurðardóttir

Ólafsfjarðarmegin við göngin voru það krakkar úr Knattspyrnufélaginu Leiftri sem tóku við kyndlinum og segja má að þau hafi mætt nokkrum andbyr, þ.e. frá Kára. Krakkarnir létu þó slíka smámuni ekki á sig fá og skiluðu sínu með sæmd. Fyrir Leiftur hlupu: Kristín Rögnvaldsdóttir, Regína Sveinsdóttir, Anna María Sigurlaugsdóttir, Eva Rún Þorsteinsdóttir, Sonja Geirsdóttir, Guðrún Elísabet Guðmundsdóttir, Ólafur M Jóakimsson, Kristófer Númi Hlynsson, Ingimar Eli Hlynsson, Þorsteinn Sigursveinsson.

Einnig hlupu með okkkur systurnar Guðlaug og Helga frá Ólafsfjarðargöngunum, en það er nokkuð skemmtileg saga á bak við hvernig þær slógust í för með okkur. Þannig var nefnilega að fyrir algjöra tilviljun voru þær með stillt á sömu talstöðvarrás og Vináttuhlaupararnir og heyrðu þegar Rúnar Páll og Davíð voru að tala saman. Þegar þær heyrðu Rúnar og Davíð tala um Vináttuhlaupið vildu þær endilega vera með og komu og tóku þátt og höfðu gaman af, jafnframt sem Vináttuhlaupararnir höfðu gaman af að hitta systurnar.

Að því loknu voru Vináttuhlaupararnir orðnir einir á báti, en vegna allrar þessarar miklu og góðu þátttöku var lítið orðið eftir af vegalengd dagsins. Restin af deginum breyttist því í nokkurs konar skemmtiskokk um fallega dali með fjallasýn sólskini í. Að vísu var vindurinn í fangið en...maður biður ekki um fullkomið veður á Íslandi.

Harmonemail:
You can send a message to the runners or read the messages.