Даян дэлхийн Эв найрамдлын гүйлтийн олон улсын баг Нийслэлээс хөдөллөө

5-р сарын 25-ны өглөө 08.00 цагт Сүхбаатарын талбайд Эв найрамдлын галт бамбарыг Хан-Уул дүүргээс Чингэлтэй дүүрэгт шилжүүлэх ёслолын ажиллагаа боллоо.

Чингэлтэй дүүргийн БТСХ-ны дарга Б. Батсайхан баг тамирчдын хамт Хан-Уул дүүргээс Эв найрамдлын галт бамбарыг хүлээн авав.

Аян замдаа сайн явахыг ерөөж мөнгөн аягатай сүү өргөн барив.

Эв найрамдлын гүйлтийн зохион байгуулах хорооноос Чингэлтэй дүүргийн Биеийн тамир спортын хороонд дурсгалын зүйл гардуулав.

Чингэлтэй дүүргийн Эв найрамдлын баг

Чингэлтэй дүүргийн эв найрамдлын баг бамбараа залан гүйж эхэллээ.

Чингэлтэй дүүргийн баг галт бамбарыг залан гүйсээр Баянгол дүүрэгт хүлээлгэн өгөхөөр МҮЭСТО-ны гадаа талбайд хүрэлцэн ирэв.

Чингэлтэй дүүргийн Биеийн тамир спортын хорооны тэргүүн Б. Батсайхан, Эв найрамдлын гүйлтийн зохион байгуулах хорооны тэргүүн Н. Цогтбаатар нар хамтдаа галт бамбарыг Баянгол дүүрэгт шилжүүлэн өглөө. 

Эв найрамдлын Галт бамбар хүлээн авах ёслолын ажиллагаанд Баянгол дүүргийн Засаг Даргын орлогч Д. Очирсүм, Засаг даргын Тамгын Газрын дарга Ч. Бат-Эрдэнэ, Нийгмийн Хэлтсийн дарга Л. Отгонсүрэн, Төрийн захиргааны хэлтсийн дарга Д. Оюунтуяа, Биеийн тамир спортын хорооны дарга Ш. Бямбасүрэн болон сургуулийн багш сурагчид оролцлоо.

Даян дэлхийн Эв найрамдлын гүйлтийн үндсэн багийн гишүүн, Баянгол дүүргийн эрүүл мэндийн ажилтан С. Оюунгэрэлийг Баянгол дүүргийн Засаг Даргын Тамгын Газраас Дүүргийн хүндэт тэмдгээр шагнав.

Баянгол дүүргийн Засаг Даргын Тамгын Газраас гүйлтийн багийн гишүүдэд дурсгалын зүйл гардуулав.

Даян дэлхийн Эв найрамдлын гүйлтийг Монголд зохион байгуулах хорооноос Баянгол дүүргийн Засаг Даргын Тамгын Газарт болон Биеийн Тамир Спортын Хороонд дурсгалын зүйл гардуулав.

Монгени Цогцолбор сургуулийн биеийн тамирын багш С.Хархад галт бамбарыг залан гүйж байна.

Эв найрамдлын гүйлтэнд Баянгол дүүргийн 17 сургуулийн 230 гаруй сурагчид нэгдэн гүйлээ.

Баянгол дүүргийн баг Сонгинохайрхан дүүрэгт галт бамбарыг шилжүүлэн өгөхөөр Цамбагарав төв дээр хүрэлцэн ирэв.

Сонгинохайрхан дүүргийн засаг даргын орлогч Р. Дагва, Сонгинохайрхан дүүргийн Биеийн тамир спортын хорооны дарга Д. Энхбаяр нар Баянгол дүүргээс галт бамбарыг хүлээн авлаа.

Сонгинохайрхан дүүргийн Эв найрамдлын гүйлтийн баг 22-ийн товчоо хүртэл галт бамбарыг буухиалан гүйж Эв найрамдлын гүйлтийн үндсэн багийг үдэн гаргаж өгөв.

Нийслэлийн Биеийн Тамир Спортын Газрын ахлах мэргэжилтэн А. Болдмаа Эв найрамдлын гүйлт Нийслэл хотод амжилттай зохион байгуулагдсан тухай Монголын Үндэсний Олон Нийтийн Телевизэд ярилцлага өгөв.

Даян дэлхийн Эв найрамдлын гүйлтийг Монголд зохион байгуулах хорооны тэргүүний Н. Цогтбаатар Монголын Үндэсний Олон Нийтийн Телевизэд ярилцлага өгөв.

Эв найрамдлын гүйлтийн олон улсын багийн гишүүн ОХУ-ын гүйгч Э. Анна МҮОНТ-д ярилцлага өгч, сэтгэгдлээсээ хуваалцав. 

Эв найрамдлын гүйлтийн олон улсын багийн гишүүн П. Калагиан Боловсрол телевизэд ярилцлага өгч сэтгэгдлээ хуваалцав.

Эв найрамдлын гүйлтийн үндсэн багийн гишүүд болон зохион байгуулах хорооны ажилтнууд

Нийслэлийн Биеийн Тамир Спортын Газар, Сонгинохайрхан дүүргийн Биеийн тамир спортын хорооны баг тамирчид Эв найрамдлын гүйлтийн үндсэн багийн гишүүдийг 22-ийн товчоон дээр үдэн гаргаж өглөө.

Эв найрамдлын гүйлтийн галт бамбар Төв, Сэлэнгэ, Дархан, Орхон, Булган, Хөвсгөл, Завхан, Увс, Баян-Өлгий аймгийн нутгаар 1800 гаруй км зам туулан Баян-Өлгий аймгийн Цагааннуурын боомтоор ОХУ руу нэвтэрч, 6-р сарын 13-нд Горно-Алтай хотноо Оросын эв найрамдлын гүйлтийн багт шилжих юм.

---

Team Members:
Н. Аканда Цогтбаатар, С. Дийлдар Билэгт, Б. Сатьяврата Доржбат, С. Ганхүү, И. Мөнхшагай Б. Баярхүү, Г. Эрдэнэбаатар (фото зураг) Г. Эрдэнэболд, Ж. Саранхүү, Л. Сумъяа, Ц. Аванаяаха Түвшинжаргал, С. Оюунгэрэл, Б. Мөнгөнцоож, Пранлоба Калагиан (АНУ), Елисеева Анна (ОХУ), Псюкалова Лариса (ОХУ), N. Akanda Tsogtbaatar (Mongolia), S. Deeldar Bilegt (Mongolia), B. Satyavrata Dorjbat (Mongolia), S. Gankhuu (Mongolia), I. Munkhshagai (Mongolia), G. Erdenebaatar (photo)(Mongolia), B.Bayarkhuu (Mongolia), G.Erdenebold (Mongolia), J. Sarankhuu (Mongolia), L.Sumya, Ts. Avanayaha Tuvshinjargal (Mongolia), S.Oyungerel, B. Munguntsooj (Mongolia), Pranlobha Kalagian (USA), Eliseeva Anna (Russia), Psukalova Larisa (Russia)

< Mongolia 24 May

Mongolia 26 May >